منة فضالي: "اتعرضت للخيانة ولازم اللي يجيلي يبقى جيبه مليان"

منة فضالي: "اتعرضت للخيانة ولازم اللي يجيلي يبقى جيبه مليان"

11:10 ص الخميس 30 مارس 2023 كتب- هاني صابر: اعترفت الفنانة منة فضالي، عن تعرضها للخيانة في حياتها. وقالت منة، ببرنامج VIP : "تعرضت للخيانة وقفشته وحسيت إن في حاجة مش تمام ولقيت فضائح، أنا بحترم الراجل جدًا ومش ضده بل بالعكس،ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطره إنه يبص برة أو عينه فارغة". وتابعت منة في تصريحاتها: "فكرت في فترة ما تجميد بويضاتي، ولكن اتقال لي بيأثر على الست، وأنا لسه مش عارفة هتجوز ولا لأ، وأنا صعب جدًا حد يتعامل معايا ومحدش عارفني كويس عشان يتعامل معايا، فبالتالي مبيستمروش، ولازم يعرفوا ايه اللي أنا بحبه قبل اللي بكرهه". وأضافت منة فضالي: أنا مصرفة جدًا ولازم اللي يجيلي يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير، ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما. منة فضالي تشارك في دراما رمضان 2023 بمسلسل "جعفر العمدة" بطولة محمد رمضان وزينة ومي كساب وإيمان العاصي وأحمد فهيم وهالة صدقي وعدد من الفنانين ومن إخراج محمد سامي.
#منة #فضالي #اتعرضت #للخيانة #ولازم #اللي #يجيلي #يبقى #جيبه #مليان